Былы мэр Рыгі танцуе з беларускім сцягам на дыскатэке. Фота: Lampa
У латвійскім Цэсісе на мінулых выходных прайшоў дзясяты фестываль дыскусій ЛАМПА. Па традыцыі, у канцы першага дня фестывалю ладзіцца палітычнае дыска, дзе вядомыя палітыкі ставяць свае музычныя сэты. Зоркай у гэтым годзе стаў былы мэр Рыгі Мартыньш Стакіс, які танчыў на сцэне з беларускім сцягам пад песню «Heroes of Our Time».
За некалькі гадзін да гэтага ён сустрэўся са Святланай Ціханоўскай, якая наведала фестываль па запрашэнні беларускай дыскусійнай пляцоўкі Кепскіх суседзяў.
Нагадаем, што ў 2021 годзе Стакіс разам з цяперашнім прэзідэнтам Латвіі Эдгарам Рынкевічам зняў на чэмпіянаце свету па хакеі чырвона-зялёны сцяг і павесіў бел-чырвона-белы. За гэта і на Стакіса, і на Рынкевіча ў Беларусі заведзена крымінальная справа.
