«Ружовы кастрычнік» хутка скончыцца. Але трэба яшчэ раз нагадаць вам аб важнасці абследавання на рак грудзей. Таму глядзіце праект Антона Туркова пад назвай «Ціхі забойца» на «Маланка Медыя».
Хваробы могуць ажываць у самы непрыдатны момант. Часцяком яны прымаюць звыклыя, але жудасныя формы. І палохае тое, што некаторыя з іх нельга пабачыць.
Некаторыя з’яўляююца ў нашым жыцці нябачнымі павукамі. Яны аблытваюць крывава-ружовай павуцінай хату, офіс, каханыя месцы і нават блізкіх. І гэтую бітву немагчыма выйграць, не ведаючы, што яна ідзе.
Можна марыць аб дыпломе пасля ўнівера, тысячу разоў сумняваючыся ў яго важнасці, аб адкрыцці сваёй кавярні, жадаючы зрабіць халодны свет крышачку болей утульным, аб змене працы, таму што душа ўсвядоміла сваё месца — аб чым заўгодна.
Можна марыць і не ведаць, што барацьба за твае жыцце ўжо ідзе.
Рак грудзей штогод дыягнастуецца ў 2 мільёнаў жанчын. Афіцыйная статыстыка кажа аб тым, што прыкладна 1/4 усіх бітваў сканчываецца смяротным зыходам. Больш за тое, многія жанчыны дазнаюцца аб сваім вораге толькі на позніх стадыях, з-за чаго верагоднасць перамогі моцна зніжаецца.
Вы таксама можаце не ведаць аб барацьбе. Таму закон просты: каб на сто адсодкаў дасягнуць сваіх мар, правярайце ціхіх забойцаў. Адна дыягностыка ў год можа дапамагчы вам выратаваць усе вашыя амбіцыі.
Беражыце сябе.
Каб даведацца больш аб «Ружовым кастрычніку» і дыягностыцы раку грудзей, раім вам прачытаць гэты матэрыял.
