Хочаце вывучыць з дзіцем для ранішніка вершы на беларускай мове, але ніяк не можаце знайсці добрую падборку? Цяпер яна заўсёды будзе пад рукой! Сабралі для вас навагоднія, святочныя і калядныя вершы.
Новы год! Новы год!
Пачынаем карагод!
Закружылася ля ёлкi
Наша дружная сям’я.
Закружылiся iголкi,
Закружылася зямля,
Закружыўся белы дзед,
Закружыўся цэлы свет!
А на ёлцы — цацак, цацак!
Рыбкi, дырыжаблiкi.
Нiбы росныя, iскрацца
На галiнках яблыкi.
I дрыжаць-зiхцяць яны,
Срэбраныя бусы.
Дзед цукеркi раздае
Ды смяецца ў вусы.
Нiл Гiлевiч
**
Хто там шустры скача?
Цiха снег рыпiць —
Гэта зайка з дачы
Праз лясок бяжыць.
Кружацца сняжынкi,
Нiбы ў дзiўным сне.
Зайка для Дарынкi
Торбачку нясе.
А ей — пажаданнi
Дабраю расцi,
Быць заўжды стараннай,
Шчырай у жыццi.
Хоча ён з Дарынкай
Сам на Новы год
Хоць бы на хвiлiнку
Стаць у карагод.
Мiхась Пазнякоў
**
Пасiнеў на рэках лёд,
Неба ў ясных зорках.
Зноў прыйшоў к нам Новы год
З песнямi i ёлкай.
Водзiць з нами карагод
Сам мароз-дзядуля.
Многа казак у яго
I вясёлых гульняў.
Мiкола Чарняўскi
**
Якiя, гляньце, Дзед Мароз
Намаляваў узоры!
Галiнкi срэбныя бяроз,
Букеты кветак, зоры.
А вось i ёлачкi стаяць —
Усё мне на пацеху…
Дзед, намалюй мяне, а я —
Цябе зляплю са снегу!
Iван Муравейка
**
Навагоднi вечар зорны…
Як заўсёды, Дзед Мароз
У дзiцячы сад прасторны
З лесу ёлачку прынёс.
Ну i ёлка! Што за ёлка!
Колькi цацак тых на ёй:
Тут i грыб, i рак, i пчолка,
I мядзведзь, i воўк з лiсой..
Дзецi кружацца наўкола.
Добра з госцем дарагiм! —
Колькi радасцi вясёлай
Ён прывёз з сабою iм!
Тут гулянкi, карагоды,
Песнi ўсюды — тут i там
А Мароз белабароды
Важна стаў пад ёлку сам.
Iван Шуцько
**
Ёлачка-бароўка
У хатку да цяпла
Ад шэрага воўка
З бору уцякла.
Мы ёй падарылi
Цацкi i шары.
Зоркай азарылi —
Гары, гары!
А над нашай ёлкай —
Яркая вясёлка.
А пад нашай ёлкай —
Вёрткая вавёрка.
А навокал ёлкi —
Танцы i смех.
Развяжы, дзядуля,
З цукеркамi мех!
Данута Бiчэль-Загнетава
**
Дзед Мароз рабiў абход
Перад Новым годам
Воды рэчак i балот
Замуроўваў лёдам.
Кожны ў горадзе кусок
Абышоўшы рана,
Заглянуў ён на каток
Неяк нечакана.
У дзяцей звiняць канькi
Каля самай ёлкi,
На якой, як аганькi,
Ззяюць ярка зоркi.
I рашыў тут Дзед Мароз:
Што ж хадзiць без толку…
Барадой сiвой патрос,
Стаў з кiйком пад ёлку.
Марк Смагаровiч
**
Па зямельцы Дзед Мароз
Поўны мех сняжынак нёс.
Рассяваў iх па палях,
Па лясах i па лугах,
Рассяваў па ўсiх сцяжынках
Зiхатлiвыя сняжынкi,
Каб святлей было на свеце,
Каб гулялi з iмi дзецi.
Пятро Сушко
**
Вялiкую радасць
на вулiцы, у хаты,
прынеслi Каляды,
зiмовыя святы,
прынеслi забавы,
i жарты, i песнi,
загадкi, i гульнi,
i танцы прынеслi.
Не спi, панi скрыпка,
i, бубен, прачнiся, —
цудоўныя святы
ў нас пачалiся.
Васiль Жуковiч
**
Поўнай жменяю на Зiнку
Сыпануў дубок сняжынкi:
Не сякучкi-халадзiнкi,
Не пякучкi-маразiнкi,
А вясёлыя смяшынкi.
- Ха-ха-ха, —
Смяецца Зiнка
I сама трасе галiнкi.
Iван Муравейка
**
Колькi шуму, колькi смеху:
Дзеда лепiм мы са снегу!
Задала зiма работы —
Па двары кацiлi ўтрох
I паставiлi ля плоту.
Дзед стаiць, хоць i без ног,
Замест рук уткнулi палкi,
Вочы — вугалю кавалкi,
Нос — чарэпак з гладыша,
Барада — шматок кудзелi,
А на лысiну надзелi
Кош замест капелюша.
Ну i дзед! Вiдаць, яму
Тут стаяць усю зiму.
Будзе ён тут па начах
Наганяць на зайцаў страх,
Каб не бегалi сюды
Сад псаваць наш малады!
Нiл Гiлевiч
**
Цэлы горад у заторах!
На дарогах снегу горы.
А пад самы Новы год
Утварыўся галалёд.
Ні праехаць, ні прабіцца,
Можна грымнуцца-пабіцца.
Як у госці дабірацца?
Будзем ціхенька слізгацца.
Толькі радасны снягір
Не зважае на снягі.
Андрэй Скурко
**
Снягурка
Пра мяне ўсе, пэўна, чулі,
Ў лесе я жыву з дзядулем.
Снегам елкі прыбіраю,
3 дзедам песенькі спяваю.
Я гуляю па сцяжынках,
А вакол мяне сняжынкі
Водзяць белы Карагод
Кожны вечар ў Новы год.
Гэй, сняжыначкі, ляціце,
Карагод свой завядзіце.
Па краіне роднай
Ёлачкі гараць.
Будуць дзеці разам
Свята сустракаць.
Вось і мы давайце
Станем ў карагод
I вясёлай песняй
Стрэнем Новы год!
**
Аганькамі зіхаціць
Сёння наша ёлка,
I бліскучы снег ляжыць
На яе іголках.
Ёлка-ёлачка, цябе
Цэлы год чакалі.
Сёння хораша дзятве
У святочнай зале.
Колькі цацак і шароў
Апранула сёння!
Запрашае ўсіх сяброў
Танец навагодні.
**
3 Новым годам, з Новым годам,
Са святочным карагодам!
3 саначкамі новымі, з гульнямі зімовымі!
Хай прыносіць Новы год
Шмат вяселля, шмат прыгод!
Ўсім вам добрага здароўя
Хай прыносіць Новы год!
Ты пад ёлку завітай,
Дзіва-песню заспявай,
Бо у гэты самы час
Новы год ідзе да нас
**
Ёлка, ёлачка-красуня,
Ты шарамі зіхаціш.
Ля цябе звяркі танцуюць:
Зайчаняты, воўк і мыш.
Ёлачка-красуня дзіўная стаіць.
А чаму ж агнямі ёлка не гарыць?
Святочныя агеньчыкі,
Гарыце ўсё ярчэй!
Свята навагодняе
Сёння у дзяцей!
Фото обложки Chad Madden
